Најмеките домашни кифлички од Тиквешијата – тајниот рецепт на Зорка Јанчeва што освојува на прво залче!
Ако сакате да ги изненадите најблиските со нешто што мириса на дом и љубов, пробајте го рецептот на нашата Зорка од Тиквешијата. Овие кифлички се повеќе од храна – тие се традиција, топлина и душа во секое залче.
Во време кога старите рецепти повторно се враќаат на трпезите, една мајсторка за тесто ги освои срцата (и стомаците) на стотици следбеници на социјалните мрежи.
Зорка Јанчeва, нашата домаќинка од срцето на Тиквешијата, уште еднаш го сподели својот проверен и многупати испробан рецепт за совршени меки кифлички.
„Ми велат, Зорке, од овие кифлички цела куќа мириса, а комшиите сами се покануваат на гости!“ – раскажува низ смеа Зорка.
И навистина, овие кифлички се вистинско уживање!
РЕЦЕПТ НА ЗОРКА ЈАНЧЕВА – Кифлички што се топат во уста
Потребни состојки за тестото:
250 мл млеко
250 мл кисело млеко
1 коцка свеж квасец
4 големи лажици зејтин
1 лажица сол
1 мала лажичка шеќер
1 цело јајце
3 белки
1 кг брашно
250 г маргарин (на собна температура)
За премачкување на корите однатре:
Маргарин (на собна температура)
Сирење по избор
1 жолчка за премачкување
Сусам за посипување
Начин на подготовка:
Загрејте го млекото и во него растворете го квасецот со шеќерот.
Во голем сад измешајте ги сите течни состојки: млекото, киселото млеко, зејтинот, јајцето, белките, солта.
Постепено додавајте брашно и замесете меко, еластично тесто.
Оставете го тестото да надојде околу 30 минути.
Откако ќе нарасне, прелијте го со една лажица зејтин, измешајте уште еднаш и пак оставете да се одмори.
Тестото поделете го на топчиња и секое расукајте го во кора.
Секоја кора премачкајте ја со маргарин, ставете сирење, засечете како за кифлички и завиткајте.
Наредете ги кифличките на плех, покријте ги и оставете уште еднаш убаво да нараснат.
Премачкајте ги со жолчка, посипете со сусам и печете во загреана рерна на 200°C околу 10 минути (во зависност од вашата рерна).
Зорка вели: „Кога ќе ги пробате овие кифли, ќе сакате секогаш да се на вашата трпеза! Мирисот, вкусот, мекоста!“
Споделете, пробајте и не заборавајте – убавината е во едноставноста и во срцето со кое готвите!
