Во време кога цените на сладоледите, смутијата и овошните пијалаци вртоглаво растат, сè повеќе луѓе ширум светот се враќаат кон едноставните, здрави и ефективни решенија.
Еден ваков тренд, кој прво се појави на Јутјуб, а потоа експлодираше на социјалните мрежи, е замрзнатото овошје послужено на начин што потсетува на професионален десерт.
Advertisement
Без додатен шеќер, без употреба на апарати и без трошење време, овој „генијален замрзнат трик“ се базира само на едно: замрзнување овошје и негово сервирање како природен сладолед.
Што е трикот?
Сè што ви треба се евтини и достапни овошки, најчесто се користат мандарини, но трикот функционира и со банани, јагоди, манго, лубеница, пракса или диња. Постапката е едноставна:
Овошјето се мие и се замрзнува цело, без сечење или лупење.
По неколку часа во замрзнувач, се вади и се остава 10–15 минути на собна температура или кратко се плакне со топла вода.
Ова ја омекнува кората, која потоа лесно се лупи, а внатрешноста станува превкусна, слатка и слична на текстурата на сладолед или на сорбе.
Некои корисници на социјалните мрежи препорачуваат да се изренда замрзнатото овошје, во форма на снег, и да се сервира со лажица. Токму овие видеа добија милиони прегледи и коментари од луѓе кои се воодушевени од вкусот, едноставноста и цената.
Зошто овој десерт стана толку популарен?
Пристапен е: Овошје како мандарини, банани и јаготки/капинки се лесно достапни и не се скапи, особено во оваа сезона.
Нема додатоци: Нема додатен шеќер, адитиви, нема потреба од готвење. Совршено е за деца, диетални режими и луѓе што внимаваат на исхрана.
Ниска калоричност: Замрзнатото овошје содржи само природни шеќери и растителни влакна.
Освежува и изгледа убаво: Текстурата и визуелниот ефект го прават десертот привлечен дури и за оние што не се љубители на овошје.
Варијации и предлози:
Мандарините се идеални за овој трик. По замрзнувањето се лупат, се сечат на половина и се јадат директно од кората.
Банани: замрзнете ги цели или исечени, потоа изрендајте ги како снег од сладолед.
Јагоди и малини: замрзнете ги, а потоа измешајте ги со малку грчки јогурт или растопено темно чоколадо.
Диња и лубеница: исечени на коцки, замрзнати и сервирани со нане и неколку капки лимон.
Уживајте во оваа летна гастро-авантура!
