Нашата позната водителка Маја Поцевска важи за една од најатрактивните дами кај нас која изгледа преубаво за нејзините години.
Приватна архива
Прашање: Маја, како изгледа твојот утрински ритуал, како ти започнува денот?
Мојот ден секогаш започнува со чаша чај со лимон – тоа ми помага да се разбудам природно и лесно. По тоа следуваат кратки утрински вежби за да го активирам телото. Дури подоцна си дозволувам кафе, но секогаш без кофеин.
Прашање: Што се крие најчесто во твојот несесер кој го носиш со себе?
Секогаш имам хидратантен кармин или сјај, мини парфем, крема за раце, огледалце и мали марамчиња. Се трудам сè да биде практично, но и доволно за да можам да се освежам во движење.
Прашање: Како ја дефинираш убавината?
За мене убавината е состојба на духот. Тоа е кога некој зрачи со самодоверба, љубезност и автентичност. Надворешниот изглед е само бонус кога внатрешноста е во баланс.
Приватна архива
Прашање: Каква е Маја приватно, колку време посветуваш на женската нега и на некои свои ритуали?
Приватно сум приземна, емотивна и многу лојална личност. Женската нега ми е важна, но не опсесија – имам неколку ритуали на кои сум верна: добра нега на кожа, здрава храна, сон и момент само за себе.
Прашање: Посетуваш ли козметички салони и какви третмани најчесто правиш?
Да, се трудам барем еднаш месечно да одам на хидратантен третман за лице. Повремено правам и масажи, особено кога чувствувам замор. Тоа ми е и физички и ментален ресет.
Прашање: Кој ти е омилен парфем?
Ми се допаѓаат елегантни, уникатни мириси. Моментално најмногу уживам во Attrape-Rêves од Louis Vuitton и Givenchy L’Interdit, кој инаку е инспириран од Одри Хепберн – жена со беспрекорна елеганција и стил.
Приватна архива
Прашање: На што најмногу трошиш пари кога одиш во шопинг?
На квалитетна козметика и skincare. Мислам дека кожата е најдобар моден додаток. Обожавам и модни детали – чанти, очила и добри чевли.
Прашање: Како ја одржуваш линијата?
Се хранам избалансирано, но не се лишувам. Пијам многу вода, се движам секој ден – и ако не стигнам до теретана, шетање и скали се секогаш опција. Слушам што ми бара телото.
Прашање: Како би се опишала себе си?
Јас сум емпатична, креативна и упорна. Сакам искреност и длабочина во луѓето и во сè што правам.
Прашање: Што е она што те движи напред?
Мојата љубов кон животот, љубопитноста и желбата секој ден да бидам подобра верзија од себе. И, секако, луѓето што ги сакам.
Приватна архива
Прашање: Дали надворешната убавина е пресудна за оставање на прв впечаток?
Може да игра улога, но не е пресудна. Вистинскиот впечаток го остава енергијата – начинот на којшто зборуваш, гледаш, се смееш. Тоа се памети.
Прашање: Што мислиш за естетските корекции. Имаш ли нешто направено?
Поддржувам сѐ што те прави да се чувствуваш подобро во своја кожа, сѐ додека е со мера. Јас лично сум отворена кон мали негувани корекции, но сè уште не сум направила ништо значајно.
Прашање: На која дама ѝ се восхитуваш и зошто?
Восхитувам на жени кои имаат интегритет – како Одри Хепберн, која покрај убавината, била и исклучителна хуманитарка. Денес, ми се допаѓаат жени како Зендаја – самоуверена, стилска, а притоа и скромна.
Прашање: Каква треба да е современата жена?
Самоуверена, образована, емпатична и независна. Современата жена не се плаши да сака, но и да поставува граници. Таа знае што сака – и знае дека вреди
