За Стрелците кружат разни гласини, а ова е суштината која мора да ја знаете.
Овој е огнен знак кој симболизира далечина, патување, космополитски дух и високи морални начела. Неговите припадници се енергични, отворени и не остануваат покрај партнерот кој повеќе не ги сака. Тие се светски патници, љубовници, патописци, спортисти и дипломати.
Тие имаат двојна природа: Ги привлечува се’ што им годи на телото и духот, може да бидат и аскети и најголеми хедонисти. Имаат голем апетит, сакаат многу да научат и да испробуваат. Без многу размислување се впуштаат во љубовни авантури, опасни спортски потфати или ризични работи. Во душата се хазардери: Може се’ да стават на коцка за само една секунда!
Во комуникацијата се многу отворени, а понекогаш и премногу директни, Си кажуваат што прво ќе им падне на памет, прашуваат се’ што ги интересира, а некогаш наивно зборуваат и за своите планови. Во основа се искрени и чесни, па мислат дека и другите се такви. Великодушни се, некогаш сакаат луксуз, прослави, свечености и друштвени собири.
Сакаат да бидат таму каде што се случува нешто, први ќе се јават како доброволци кога треба нешто да се испроба или да им се помогне на другите. Ги привлекува она што е поразлично, други земји, обичаи, култура, јазици, а особено егзотични места. Уживаат во патувањата, не сакаат досадни работи, ги иритираат озборувања, а најмногу мразат ограничување на слободата.
