Познат идентитетот и на второто лице што загина на Кајмакчалан
Познат е идентитетот на 35 годишното момче кое загина при искачувањето на врвот Кајмакчалан заедно со поголема група планинари организирани преку друштвото „Трансверзалец“. Се работи за Александар Миновски од Скопје кој исчезна заедно со планинарката Калина Велевска која исто така загина на планината. Нивните безживотни тела беа пронајдени денес попладнето – едно од лицата е пронајдено во провалија, а другото премрзнато на падините на планината Ниџе.
Групата била составена од 50 планинари кога тргнале кон искачување на врвот Кајмакчалан. Тие престојувале во туристичко место Лутраки во Воден од каде тргнале да се искачуваат. Според пријавата на планинарското друштво, двете лица по кратко време откако тргнале да се искачуваат по планината Ниџе се загубиле.
