Брачниот партнер го избираме со надеж заедно да го поминеме целиот свој живот, да основаме семејство, заедно да се надоградуваме и да уживаме во животните радости. За да го постигнеме тоа, потребно ни е разбирање, многу љубов и трпение. Да се помолиме за мир во нашиот брак.
Господе, ти не’ благослови да живееме во мир, во чистота и взаемна љубов, благослови не’ да бидеме едно тело. Но, поради искушенија и наши слабости, брчниот живот ни се разединува. Благословот на мирот и едномисленоста, што го исполнува со радост нашиот брачен живот, ги нема веќе со нас.
Загрижувачки сенки на нечистота паѓаат врз нашите взаемни односи, изчезнува љубовта што не’ врзуваше. Непријателот на човечката среќа и неговото спасение жестоко ја напаѓа нашата домашна црква.
Сврти го расејаното и помрачено срце на мојот сопруг/сопруга кон Твојата волја, кон бракот од Тебе благословен, отстрани ги желбите на неговото (нејзиното) срце од нечистотии и од опасниот пат и приврзи го кон неговите (нејзините) чеда, за да царува радоста во нашиот дом и да се слави Твојата сила и добрина.
Ти си секогаш наш закрилник кога сме во мака.
Амин
