Филмот завршува со неговото убиство на 18 Декември, 1978г. во градското собрание, од страна на еден од неговите конзервативни колеги, кој како и многумина други, верува дека Божјиот закон е над сите други и должност на секој самосвесен христијанин е да го спроведува! Но таквиот идиотско – пуритански став само ќе доведе до дигањето на „Побуна На Белите Ноќи“, најсилното Gay движење во историјата, воедно и најнасилното.
Улогата на Sean Penn и во овој филм е врвна и прекрасна. Камелеонски се трансформира во ликот на исплашениот, апатичен хомосексуалец, кој прераснува во икона меѓу „своите“ луѓе, но и еден од централните ликови во борбата за општите човекови, цивилни права. Моментите на љубовни тегоби се крајно суптилно одглумени и уште повнимателно наснимани од страна на Gus Van Sant, без експлицирање на сексуалноста, туку со онаа умереност кога треба да се биде умерен и естетика што го краси овој голем режисер.
{youtube}ufhZ2yUHj9Y{/youtube}
