Следи одењето (заедно со Scott) во San Francisco, градот во кој сите во Америка сакаат да отидат, да се откачат, заљубат, но сепак и San Francisco се уште е град преполн со дрога, омраза, иманентни карактеристики кои и на даваат најоптимистички можности. Но сепак, во таа ’72, градот нуди мал простор за бегство за сите „избеглици“ , кое тие двајца го наоѓаат во ирскиот дел од заедницата – „Долината Eireka“, каде го отвораат дуќанот за камери и фотографии “Castro”, по кој подоцна ќе биде преименувана целата улица и која што ќе стане седиште на Gay движењето и политичкиот штаб на Harvey Milk.
„Јас сум Harvey Milk и овде сум да ве регрутирам!“– тоа е неговата парола со која тој ќе им се обраќа на своите симпатизери, со кои чекор по чекор, со сите можни препреки на патот, ќе станат битен глас во општествено – политичкиот живот на San Francisco и цела Америка! Во наредните 6 години, исполнето со судири со полицијата, многу политички неуспеси и репресии, кои доаѓаат од сите можни страни, Harvey Milk ќе стане првиот хомосексуално (јавно) ориентиран политичар кој ќе го донесе законот против сексуална дискриминација врз малцинските групи, како што се хомосексуалците.
