Милион долари за неа, и уште милион за погледот – македонската пејачка во „бесен“ ресорт во бикини не мисли на снегот

Викторија Лоба повторно го привлече вниманието на јавноста, овојпат со серија раскошни фотографии од Тајланд, каде што престојува во еден од најспектакуларните панорамски ресорти во Азија.

Лоба ја сподели сцената од Бијонд скајволк (Beyond Skywalk Nangshi) во провинцијата Пханг Нга, локација позната по погледите што изгледаат како од друга димензија.

Убавицата покрај „бесконечен“ базен е (с)облечена во впечатливо црвено бикини што совршено ја нагласува нејзината беспрекорна линија.

Сонцето, водата и планините во позадина создаваат слика достојна за разгледница, а Лоба релаксирано ужива во тишината и величественоста на природата.

Нејзиниот избор на дестинација уште еднаш потврдува дека знае да го избере најдобриот луксуз што тајландските ресорти го нудат.

Beyond Skywalk Nangshi важи за едно од најпосакуваните места за престој во Пханг Нга, и воопшто, во Тајланд.

Цените варираат, но ноќевањето во овој уникатен комплекс, познат по стаклените платформи што висат над шумите и гледаат кон заливот, може да достигне и до неколку стотици евра за вечер, зависно од сезоната и типот на сместување.

Погледот кон заливот Пханг Нга, кој многумина го нарекуваат природно чудо, е причината поради која туристите од целиот свет се упатуваат токму таму.

Според описот што го сподели на социјалните мрежи, Викторија е во фаза на забавување на темпото и посветување на себе, а токму оваа дестинација ѝ овозможува мир, простор и инспирација. Фотографиите и коментарите повторно го потврдија нејзиниот статус како една од најгламурозните и најстилизирани јавни личности на македонската сцена.

Не е првпат Лоба да ги освои мрежите со фотографии кои носат допир на егзотика и раскош, но овојпат комбинацијата од пејзаж, атмосфера и нејзиниот препознатлив магнетизам создаде вистински интерес. Таа очигледно знае како да ужива, а јавноста, како и секогаш, знае да го забележи тоа.