Меланија Трамп изгледа беспрекорно без разлика дали носи патики или лобутинки!

Ново прекрасно издание на Меланија

Поранешната манекенка родена во Словенија се појави во пастелно издание со кое предизвика воодушевување. Атрактивната 47 годишна Меланија која може да се пофали со тело како од соништата изгледаше прекрасно со својот аутфит што го носеше на мисата за жртвите на ураганот Харви во црква во Вашингтон.

Таа носеше елегантен фустан во розова боја во комбинација со капут од Макс Марин во светло сина нијанса, лежерно префрлен преку рамениците и опасни високи потпетици од Кристијан Лубутен од кого познатата Словенка не се откажува, па дури и по неодамнешните критики што ги доби при нејзината посета на поплавените региони во Тексас.

Меланија тогаш предизвика негативни коментари кога се појави со бомбер јакна во маслинесто зелена боја, панталони со цигара крој и високи потпетици од 12 сантиметри од Маноло Бланик.

Доналд и Меланија Трамп ги посетија жртвите од ураганот Харви во Тексас, а првата дама ги воодушеви сите со нејзините плитки зелени старки, тесни темнозелени панталони и тренди тексас кошула.

Таа носеше спортска комбинација и претходно, кога во патиките Стен Смит се појави при излегување од авионот и ги воодушеви сите.