Еве колку чини жолтиот летен фустан на Меган Маркл кој е поинаков од сите останати што досега ги носеше војвотката
На приемот на организацијата „Commonwealth“ војвотката од Сасекс покажа едно од најсмелите изданија од венчавката.
Поранешната актерка, атрактивната 36-годишна Меган Маркл на приемот на организацијата „Commonwealth“, на која Хари е претседател, се појави во едноставен, но впечатлив жолт фустан со потписот на познатиот американски дизајнер Брендон Максвел кој со години се грижеше за стајлингот на екстравагантната пејачка Лејди Гага.
Фустанот што го носи Меган чини $523
Нејзиниот избор во жолта боја изненади многумина ако земеме во предвид дека во претходниот период најчесто избираше модели во неутрални бои, а воедно со впечатливата нијанса на фустанот асоцираше и на комбинацијата што ја носеше Амал Клуни на кралската венчавка.
Фустанот веднаш беше разграбан од познатите продавници што е општо познато речиси за сé што ќе го облече Меган. Во прашање е модел со средна должина, без ракави, кој војвотката го носеше во комбинација со nude салонки со високи потпетици кои визуелно ги издолжија нејзините нозе, а целото издание го зачини со елегантна пунџа, децентни обетки и суптилна шминка со кармин во нежна розова нијанса.
https://www.instagram.com/p/Bk2_NJInofk/?utm_source=ig_embed
Почестен од фактот дека Меган го носеше неговиот фустан, познатиот дизајнер Брендон Максвел објави фотографија на неговиот официјален Инстаграм профил со пораката: „Навистина горд момент за нашиот тим“ .
