Таа е секогаш беспрекорно дотерана и не требаше да помине многу за да стане вистинска модна инспирација, исто како и војвотката Кејт Мидлтон.
Меган Маргл која се прослави со улогата на Рејчел во серијата „Suits“ со својот женствен стил ги освои дамите од целиот свет. Што и да облече со брзина на светлината го снемува од продавниците, а тоа се случи и со тесните црни фармерки што неодамна ги носеше во Кардиф.
Имено, како што своевремено објави „Newsweek“ војвотката од Кембриџ индиректно секоја година и носи милијарда долари на британската модна индустрија, а по се изгледа дека и маркантната Американка за многу брзо време ќе ја достигне. Тоа многу добро го почувствува и брачниот пар кој стои зад брендот „Huit“ во чии фармерки се појави неодамна Меган и кои веднаш станаа хит во целиот свет.
https://www.instagram.com/p/BeF7lb3HURE/?utm_source=ig_embed
Дамите од целиот свет едноставно полудеа по црните фармерки од релативно непознатиот британски бренд така што малиот семеен бизнис мораше да се пресели во поголем простор за да успее да ги испорача сите нарачки.
Оние што сакаат да ги добијат треба да чекаат и до три месеци, а дневно се продаваат и до 150 парчиња. Цената на овие фармерки е 230 фунти, а како што велат Дејвид (53) и неговата сопруга Клара (49) интернет продавницата едноставно им полудела откако медиумите ја објавиле првите фотографии на Меган во нивните фармерки.
