Храната која што ја јадете може да влијае на мирисот со кој вашето тело се обидува да го привлече спротивниот пол, открија научниците.
Тие долго го следеа начинот на кој мажите на еден вид гуштери (шарени дождовници) ги привлекуваат своите женки избирајќи хранливи намирници, а според прелименарните студии покажува дека слично важи и за луѓето. Во низа од експерименти, 42 мажи јадеа сиров бел лук (по четири чешниња) или голтаа капсули (со 1000 мг екстракт од бел лук), а потоа носеа туфери под пазувите во наредните 12 часа. Тие потоа се воздржуваа од јадење лук и исто така носеа туфери во кои се впиваше нивната пот.
Потоа 14 жени го проценуваа мирисот на овој памук и го споредуваа со оној кој го носеа мажите кои јадеа лук со останатите. Тие дојдоа до заклучокот дека мажите кои уживале во моќниот природен антибиотик имаат попривлечен мирис за претставничките на понежниот пол. Според нив, мирисот збогатен со лук делува привлечно на спротивниот пол бидејќи укажува на здравствената состојба на потенцијалниот партнер.
„Исто така, можеби мирисот на мажот сугерира и каква храна можете да и обезбедите на партнерката“ смета Житка Фијалова од Карловиот универзитет во Прага која воедно и ги водеше овие „необични“ студии.
Едно друго истражување покажа и дека мажите кои внесуваат храна богата со каротеноиди* исто така делуваат привлечно за жените, но и тоа беше направено на помали примероци.
(*Некои каротениди во телото на човекот можат да имаат улога на антиоксиданси, додека β-каротенот содржи витаминот А кој помага во одржувањето на видот. Растенијата кои се богати со каротеноид најчесто имаат ниско ниво на липиди.
