Минатата година сите бевме луди по кадифе.
Но оваа година еден друг материјал ќе го замени неговото место. Станува збор за сатенот, пристојната замена на гламурозната свила, кој истовремено е лежерен, женствен, елегантен, модерен и секси, но и совршен за топлите пролетни и летни денови кои се пред нас. Но прашањето е на кои се’ парчиња ќе носиме сатен оваа сезона? Покрај неодоливите слип фустани направени од префинет сатен кои веќе можеме да ги видиме на улиците низ светските модни метрополи, и кои можеме да ги носиме како во вечерни, така и во дневни пригоди, со фармерки или кожена јакна, кога е студено, или без нив кога температурите ќе бидат високи, тука се и кратките сатенски горни делови, здолништа, блузи и кошули .
Овој материјал ќе го носиме и преку облеката која традиционално ја носиме по дома. Мислиме на пижами и пењоари, односно на популарните панталони кои потсетуваат на пижами, но и на домашните наметки кои сега можеме да ги носиме и надвор, во нашите секојдневни изданија, особено во комбинација со фармерки!
Што се однесува до ѕвездите што го фураат овој тренд, ќе ја споменеме познатата британска дизајнерка Викторија Бекам која е позната по нејзиниот фантастичен деловен стил, и која оваа сезона не се одвојува од овој елегантен материјал.
Преминете на следната страна и погледнете како познатите ИТ девојки и модни блогерки го носат овој материјал >>
