Природни маски за намалување на порите и маски против акни и митесери
Маска за проблематична кожа (против акни и митесери)
За оваа маска ќе ви биде потребно 1 белка од јајце, 3-4 капки масло од чајно дрво (може да се набави во аптека или продавници за здрава храна) и густин (нишесте). Изматете ја убаво белката, додадете го маслото и постепено додавајте густин постојано мешајќи додека не добиете густина на ретка павлака. Нанесете ја маската на лицето избегнувајќи ги деловите околу очите и устата. Оставете ја маската да се исуши, околу 10-15 минути, па измијте со топла превриена вода. Потоа исчистете го лицето со некој природен лосион или тоник и нанесете хидратантна крема. Се препорачува оваа маска да се става пред спиење и тоа 10 пати по ред, секој трети ден. Потоа се прави пауза од три месеци, па постапката може повторно да се повтори. Веќе после еден месец ќе забележите значителни подобрувања на вашата кожа.
