Како да направите ефикасна домашна маска против митесери

Фластерите кои се продаваат во продавниците и аптеките можат да се покажат како ефикасни во борбата против митесерите, но можат да бидат и значителен трошок, посебно ако ги употребувате често. Затоа ви предлагаме евтина алтернатива која можете да ја подготвите дома и успешно да се ослободите од несаканите митесери.

Митесерите најчесто се појавуваат на носот, на брадата и на челото, поради вишокот на себум во проширените пори. Се јавуваат и кај мажи и кај жени, и тоа кај оние со комбинирана и мрсна кожа.

Со разните козметички препарати како лосиони или пилинзи можат да се држат под контрола, а најефикасни се фластерите бидејќи ги отстрануваат од корен. Наместо скапите фластери од продавниците, ви предлагаме сами да си подготвите поевтина варијанта и тоа многу лесно и едноставно. Потребни ви се само 2 состојки – желатин и млеко.

Измешајте 1 лажица желатин со 3 лажици млеко. Мешајте убаво додека да добиете паста. Потоа загрејте ја пастата во микробранова печка, но само десетина секунди, па повторно промешајте додека не добиете мазна смеса. Нанесете ја смесата на носот и оставете да делува 15 минути. Во меѓувреме смесата ќе се стврдне така што, по истекот на петнаесетте минути ќе можете лесно да ја отстраните, заедно со митесерите.

Извор: index.hr