Вишните не се само вкусни, туку се здрави и многу корисни за во секојдневната исхрана.
Вишните не се само вкусни, туку се здрави и многу корисни за во секојдневната исхрана. Поради богатството од витамин Б, но и магнезиум, калиум, фосфор, јод, калциум и бакар, тие се чест избор на козметичарите. А доколку сакате да ја исчистите и освежите кожата, направете сами маска од вишни.
За таа цел, измијте ги, исчистете ги од семки и во блендер направите пире од неколку вишни, па помешајте ги со една лажичка мед. Ставете ги на претходно исчистеното лице и оставете ја маската да стои десетина минути, а потоа измијте ја со млака вода и нанесете крем. Ако имате сува кожа, во овошното пире измешајте една жолчка и една лажица кисело млеко, затоа што оваа маска ќе ги нахрани порите. Во спротивно, ако имате масна кожа, направете маска од вишни и белка од јајце или лажица лимонов сок.
