Домашна маска која го поттикнува растот на косата
За многу од нас здравата и долга коса не е само дефиниција за убавина туку и дефиниција за добро здравје.
За да ја одржувате вашата коса во совршена состојба треба да водите грижа за препаратите кои ги користите и штетните влијанија од прекумерното користење на фен, пегла или фигаро за коса.
Ние ви нудиме едноставна маска која не само што ја потхранува и навлажнува косата, туку исто така и го стимулира нејзиниот раст.
Покрај тоа помага во регулирањето на електростатичкиот ефект и вишокот себум кој се излачува на скалпот.
Потребни состојки:
– 1 јајце
– 1 банана
– половина чаша темно пиво
– 1 лажичка мед
Измешајте ги сите состојки заедно. Добиената хомогена смеса нанесете на врз косата и завиткајте ја со пешкир.
По еден до два часа измијте ја косата на вообичаениот начин, со шампон и други средства за нега кои ги користите.
Повторувајте ја постапката еднаш неделно.
За разлика од другите маски јајцето во комбинација со банана, мед и пиво помага за хидратација и раст на косата.
Јајцето содржи висококвалитетни протеини и масти за разлика од другите видови храна. Протеините и мастите и се потребни на косата со цел таа да биде сјајна и цврста.
Бананата е одлична во обновата на оштетената коса.
Медот и пивото имаат значаен придонес во растот на косата. Тоа е така бидејќи пивото содржи слад и квасец, и комбинација од Б витамини во голема количина, како и микронутриенти како железо, калиум, магнезиум, фосфор и бакар кои помагаат во зајакнувањето на косата и го стимулираат растот.
