Во монашкиот живот, секој оброк носи длабоко значење и посветеност, а рецептите што настануваат во манастирите се темелат на едноставност и на духовна традиција. Еден од таквите рецепти е овој великопосен колач, кој станал омилен десерт во многу манастири.
Рецептот на монахот Варсануфиј од Света Гора нуди совршен спој на вкус и здравје, без млечни производи и јајца, но со богатство од зачини, суво грозје и јаткасти плодови.
Испробајте го овој благословен десерт кој ќе ве поведе на патот на духовна и кулинарска чистота.
реклама
За бисквитот:
2 чаши брашно
1 чаша кафеав шеќер
½ чаша маслиново масло
1 чаша природен сок од портокал
1 лажичка сода бикарбона
1 лажичка прашок за печиво
½ лажичка цимет
½ лажичка каранфилче
½ чаша сечкани ореви
½ чаша суво грозје
Кора од еден портокал
За кремот:
500 мл бадемово или кокосово млеко
3 лажици пченкарен скроб
4 лажици мед или шеќер
1 лажичка екстракт од ванила
За декорација:
Рендан орев
Малку цимет
Кора од портокал
Подготовка:
Во сад измешајте го брашното, шеќерот, прашокот за печиво, содата бикарбона, циметот и каранфилчето. Додадете маслиново масло, сок од портокал и кора од портокал, па добро измешајте. Додадетете ги оревите и сувото грозје и лесно промешајте. Смесата ставете ја во округол калап и печете во загреана рерна на 180 степени, 40-45 минути.
Во тенџере загрејте го бадемовото млеко. Пченкарниот скроб растворете го во малку ладно растително млеко и додадете го во топлото млеко, мешајќи постојано. Додадете мед (или шеќер) и ванила, мешајте додека кремот не се згусне. Оставете малку да се излади пред употреба.
Кога бисквитот ќе се излади, пресечете го на половина и премачкајте со половина од кремот. Покријте со другиот дел, премачкајте со преостанатиот крем, а потоа украсете со половинки ореви, сечкани ореви, цимет и кора од портокал.
Манастирскиот великопосен колач е подготвен! Благословена слатка трпеза од Света Гора.
