Манастирска посна сарма – тешко дека гостите ќе си одат додека сѐ не се изеде

Манастирската сарма важи за едно од најомилените посни јадења, а многумина велат дека ваков рецепт ретко се среќава.

Богата, мирисна и совршено сочна, оваа сарма е идеална за посни слави, како што е славата на 21 ноември Св.Архангел Михаил, но и за време на пости, за празнична трпеза или едноставно кога сакате топол, домашен ручек како од манастирска кујна.

Состојки:

1 кг кромид

1/2 кг праз

4 моркови

2 корена магдонос

1/2 корен целер

1 шолја соја трошки

1/2 шолја ориз

сол, бибер

ловоров лист

црвен мелен пипер

лут пипер

сув зачин

листови кисела зелка

2 дл масло

Подготовка:

Ситно исечкајте го целото зеленчук и динстајте го на 2 дл масло, додавајќи по малку вода додека омекне.

Соините трошки прелијте ги со врела вода и оставете ги околу 15 минути да набубрат.

Во динстаниот зеленчук додадете го измиениот ориз и исцедената соја. Измешајте добро и зачинете по вкус.

На листовите кисела зелка исечете ги тврдите делови и завиткајте сарми со подготвениот фил.

Во тава на дното ставете неколку листови кисела зелка и наредете ги сармите.

На секој ред додадете неколку суви сливи и парчиња сушена пиперка (везенка), за да добиете богат, благороден вкус.

Долејте вода колку што треба за сармата да се „покрие“. Додадете ловоров лист и зрна бибер.

Печете во рерна околу 1 час и 30 минути на умерена температура.

Сервирајте и уживајте во богатиот вкус.