Цел живот го подготвуваме погрешно: Еве еден малку поинаков рецепт за подготвување пире од компири

Да се подготви пире од компири и не е некоја голема филозофија, но изгледа дека целиот живот тоа го правиме погрешно.

Всушност, грешката ја правиме тогаш кога ги вариме компирите, односно, тоа не треба да го правиме во вода. Денес ви прикажуваме еден малку поинаков начин за негово подготвување.

Во еден сад ставете павлака за готвење, а потоа додајте ги излупените и исечкани компири, 3 лажички маслиново масло, 3 лажички путер, сол и зачини по желба. Затворете го садот и оставете го тивко да вари околу 20 минути. Процедете ги компирите, но сочувајте ја течноста во која се вареле компирите. Потоа испасирајте ги и прелијте со неколку капки од таа течност за да добиете убава смеса.