Малиот Медиан ја доби најважната битка – Победничкото ѕвонче повторно одекна на Детската клиника (Видео)
На Клиниката за детски болести во Скопје денес повторно се слушна звук кој носи надеж – победничкото ѕвонче. Овојпат, него гордо го заѕвони малиот Медиан, уште едно храбро дете што ја заврши својата борба со тешка болест.
Во објава на официјалниот Фејсбук-профил, Клиниката ја сподели радосната вест и честитките за Медиан, истакнувајќи: „Победничкото ѕвонче повторно силно звонеше за да слушнат сите дека нашиот јунак Медиан храбро ја помина и ја освои тешката битка. На Медиан му посакуваме многу здравје и среќно и безгрижно детство!“.
Моментот беше проследен со аплаузи од медицинскиот персонал, кој со месеци се грижи за овие мали јунаци.
За Медиан и неговото семејство, ова ѕвоно значи нов почеток – чекор кон иднина без болнички соби и неизвесност.
