Македонската Гранд ѕвезда се разведува – ја растурија „калимерата“, а беа совршен пар (фото)
Ова беше тешка одлука, но очигледно и двајцата решиле дека така е најдобро за нив

По осум години брак решија да се разделат…
Македонскиот пејач, Александар Јосифовски, кој се прослави во „Ѕвездите на Гранд“ се разведе од својата сопруга Теодора.
По осум години заеднички живот тие решија да стават точка на нивниот брак, а веста за разводот ги изненади сите.
Имено, Александар на својот Инстаграм често споделуваше заеднички моменти со својата сакана, а таа му беше голема поддршка и цело време додека се натпреваруваше во популарното талент-шоу.
Но очигледно дека нешто во нивниот однос не штимаше, па решиле да се разделат и секој да тргне по својот пат.
И како што самиот Александар изјави за „Гранд“, причините не се ниту неверство ниту пак љубомора, а тој вели дека ѝ е благодарен што таа била покрај него во најтешкиот период од неговиот живот.
Одлуката не беше лесна
„Вистина е дека одлучивме да се разведеме и секој од нас да продолжи со својот живот. Тоа се тешки одлуки и не се носат преку ноќ. Уживав во нашиот брак и на Теодора ѝ ја посакувам сета среќа затоа што ја заслужува“, откри пејачот за порталот „Гранд.онлајн“.
Потсетуваме, Александар Јосифовски се прослави во „Ѕвездите на Гранд“, а по шоуто беше на турнеја со Лепа Брена и „Бјело дугме“.
Тој беше во тимот на Ѓорѓе Давид, а за една сцена од финалето во шоуто се уште се зборува и нема никогаш да се заборави.
Имено, неговиот ментор по еден од настапите на Јосифовски заплака, а потоа ги изненади сите со она што го откри за него.
Тогаш рокерот откри дека Јосифовски цело време додека се натпреварувал имал проблеми со алкохолот, па заминал на лечење. Тие ова го криеле од сега веќе покојниот Саша Поповиќ, а кога пред милионската публика ја изнесе вистината и дека Александар успеал да го победи порокот, сите беа изненадени.
Ова беше една од најемотивните сцени, а Александар пред камерите му се заблагодари на својот ментор за сé што тој направил за него.
Повеќе за ова прочитајте тука…