Македонија се најде на пиедесталот во Брисел – кој е кочанскиот бенд што ја освои публиката?

Кочанскиот рок бенд „Корка“ ја освои престижната награда „People’s Choice“ на музичкиот фестивал „Imagine Music Experience“, кој се одржа на 14 декември во Брисел, Белгија. Бендот, кој беше македонски претставник на овој меѓународен натпревар за млади музичари на возраст од 13 до 21 година, ги освои срцата на публиката со најмногу гласови на онлајн гласањето.

Настапот на „Корка“ го потврди квалитетот и креативноста на македонската музичка сцена пред меѓународната публика. Ова е прво меѓународно признание за Македонија на „Imagine Music Experience“, а годинава се бележи и четврто последователно учество на македонски национален финалист на овој престижен музички настан, пренесува „Радио Кочани“.

Наградата на публиката ја потврдува поддршката и интересот за македонските млади таленти на глобалната музичка сцена и е охрабрувачки знак за идните музички проекти на „Корка“.