Македонецот од Париз кој со својот шарм го освојува Балканот – од Гранд ѕвезда до самиот врв

Пејачот Даниел Тренчовски, наша поранешна „Гранд“ ѕвезда, со својот најнов спот го воодушеви целиот Балкан.

Неговата најнова песна за само неколку дена има речиси еден милион прегледи на неговиот канал ја Јутуб, а оваа бројка само укажува на тоа дека овој македонски пејач има уште еден хит пред себе.

Тој и овој пат не штедеше кога станува збор за спотот, па така сними уште едно музичко ремек-дело што го освојува Балканот.

Инстаграм/ Даниел Тренчовски

Даниел тоа го направи и со својата претходна песна, кога сними високобуџетен спот во Босна и Херцеговина, а главен „јунак“ беше една необична Инстаграм сензација– голема вистинска мечка, со која пејачот беше во близок контакт додека ги снимаа кадрите.

Најновиот спот пак, е снимен во Париз, а е посветен на еден негов пријател кој доживеа тешка сообраќајна несреќа, но од која излезе уште посилен, како што гласи и насловот на песната – „Посилни од кога и да е“. .

Инстаграм/ Даниел Тренчовски

Повеќе за неговата најнова песна прочитајте тука, а погледнете го и видеото што никого не остави рамнодушен.

Потсетуваме, Тренчовки штом се појави во „Ѕвездите на Гранд“ привлече внимание и со своите интересни стајлинзи, а како што тогаш пишуваа и медиумите од соседството, припадничките на понежниот пол веднаш паднаа на неговиот шарм и не останаа имуни.

Инстаграм/ Даниел Тренчовски

Тој веќе со години живее во Париз каде го сними и последното видео, а често настапува низ клубовите во Европа.

По учеството во „Ѕвездите на Гранд“ неколку пати гостуваше во нивните емисии, а во една пригода откри детали и од својот приватен живот, напоменувајќи дека неговите песни најчесто се инспирирани од вистински ситуации и дека се како некое огледало.

Пејачот тогаш зборуваше и за една негова претходна турбулентна љубовна врска, а повеќе за ова прочитајте тука.