Македонците не се свесни колкав процес стои зад инфлуенсерството – Дора ги открива тајните на вистинската работа зад камерите
Таа е убава, слободоумна и двигателка на Тик-ток, а се бави со инфлуенсерство. Ако мислевте дека тоа и не е некојаси сериозна професија, таа ќе ве разубеди.
Денес, кога трендовите се менуваат побрзо од временската прогноза, ретки се оние кои успеваат да го заробат вниманието на социјалните мрежи со автентичност, спонтаност, магнетска енергија и препознатлив стил. Теодора Коцевска е токму една од тие личности, на Тик-ток позната како Дора. Модна инфлуенсерка која го живее својот стил, ја пренесува младешката урбана естетика и инспирира илјадници девојки да бидат свои, храбри и да го одбранат својот став.
Со видеата постирани на Тик-ток започнала спонтано, речиси случајно, но денес тие стигнуваат до публика што ја сака токму поради тоа што не глуми, не форсира и не се обидува да биде нешто што не е.
Во секое видео Теодора носи искреност, харизма и многу „градски шик“ вибрации.
Ова е нејзината приказна за модата, инспирацијата, процесот зад камерите и малите моменти што го прават животот убав.
Како започна твојата приказна на Тик ток и што те мотивираше да споделуваш лајфстајл и мода?
Започнав на Тик ток сосема спонтано. Отсекогаш сум била активна на социјалните мрежи, гледав девојки како снимаат едноставни моменти и си реков: „Зошто да не и јас?“.
Ме мотивираше тоа што сум уникатна, спонтана и со позитивна „луда“ енергија. Преку лајфстајл и модни содржин најлесно ја покажувам мојата автентичност и тоа ме прави најсреќна.
@princ3s.dora Морав пак 😄#foryoupage #foryou #skopje #fyp #tiktokmacedonia🇲🇰
Кога сфати дека луѓето навистина се поврзуваат со твојот стил?
Тоа го почувствував кога почнаа да ме препознаваат во јавност. Ми приоѓаа, ми велеа дека им се допаѓа мојата енергија и дека ги инспирирам. Тогаш разбрав дека мојот контент навистина остава трага.
Како би го опишала твојот моден стил во три зборови?
Спонтано, секси и урбано.
Што според тебе прави едно видео визуелно привлечно и препознатливо?
Според мене за едно видео да биде визуелно привлечно и препознатливо потребна е харизма, енергија и спонтаност.
Кои модни парчиња ги сметаш за must-have за оваа сезона?
Must-have за оваа сезона би било кое било модно парче од Милано.
Како изгледа еден твој ден кога снимаш содржина?
Доколку за тој ден имам закажано „шутинг“ или реклама за снимање фокусот ми е само на тоа, дури и заборавам кученцата да си ги прошетам. Доколку зборуваме за Тик-ток видеа тоа е еден сосема нормален ден од кој одвојувам неколку часа за подготовка и шминка да се сними видеото, снимам и по неколку часа, а едитирањето одзема многу повеќе време и од самата подготовка и од самото снимање на видеото.
Колку време ти треба за да создадеш едно Тик ток видео што изгледа лесно и природно?
Долгометражен процес, понекогаш и цел ден.
Имаш ли некој трик за да изгледаш свежо и camera-ready?
Само позитивна енергија и убави луѓе околу мене, тоа е мојот трик за да бидам цело време camera-ready.
Што мислиш дека луѓето најчесто го потценуваат во работата на еден лајфстајл инфлуенсер?
Самата професија инфлуенсер во нашето општество не е прифатена. Инфлуенсингот како вистинска работа. Многу луѓе мислат дека инфлуенсингот е само сликање и снимање, без да се свесни и информирани колкав процес стои зад се тоа.
Како се справуваш со притисокот секогаш да бидеш стилизирана, позитивна и присутна?
Не ме допора никаков протисок од никого, само си ја чувам и негувам својата енергија и тоа е тајната секогаш да сум позитивна и присутна.
Како ја доживуваш врската со твоите следбеници?
Јас сум поврзана со мојте фанови, се дружиме преку Ти-ток „лајвови“, кога ќе ме сретнат надвор секогаш кога можам одвојувам по некоја минутка за муабет со нив.
@princ3s.dora
Која порака најмногу сакаш да ја пренесеш?
Единствена порака која сакам да ја пренесам до луѓето е да бидат свои и да веруваат во нивните соништа, да го прават тоа што ги прави среќни и да знаат дека не постои нешто што е невозможно.
Има ли коментар или момент што ти останал во сеќавање?
Сите позитивни коментари ми остануваат во сеќавање, тие ми го прават денот поубав.
Кој те инспирира во модата и во животот?
Инспирација добивам од самата себе и од луѓето околу мене.
Што би сакала да постигнеш во наредните години?
Немам посебна цел која би сакала да ја постигнам, ќе продолжам по спонтаниот пат по којшто сум тргнала.
@princ3s.dora ✈️ #fyp #fypシ゚ #fypp #tiktokmacedonia🇲🇰 #skopje #foryoupage #fypageシ #тиктокмакедонија🇲🇰 #foruyou #fyppppppppppppppppppppppp #macedoniansong #viral #macedoniansongs
Дали се гледаш во сопствен моден проект?
Искрено, не се гледам себеси во сопствен моден проект.
Која е малата тајна што секој ден ти го разубавува?
Мојот дечко е тој што ми го разубавува секој ден од мојот живот.
Што те прави најсреќна кога ќе го исклучиш телефонот и ќе останеш сама?
Кога ке останам само јас, без телефон и никого околу мене, ме прават најсреќна моите кученца.
Кој е твојот омилен моден момент досега?
Омилен моден момент дефинитивно ми се капчиња.
