Луѓето кои постојано доцнат имаат помали шанси за заболување од кардиоваскуларни болести
Едно истражување покажало дека луѓето кои постојано доцнат, живеат подолго затоа што се поопуштени во одредени ситуации и тоа не им претставува стрес.
Истражувањето спроведено на Харвард дало интересни сознанија. Имено, заклучено е дека луѓето кои доцнат, се поопуштени од оние кои секаде доаѓаат на време. Луѓето кои доцнат не дозволуваат животот да им го диктираат разните рокови и токму затоа чувствуваат помал стрес. Тие луѓе имаат помали шанси за развивање разни болести кои се јавуваат како последица од стресот, како што е високиот крвен притисок или кардиоваскуларните болести.
Освен тоа, доцнењето се поврзува и со оптимизам и поголем ентузијазам, а тоа исто така влијае на здравјето на целиот живот. Исто таака, оптимистите живеат подолго затоа што оптимизмот го заштитува срцето и циркулацијата.
Уште едно истражување што им оди во прилог на личностите што каснет, е она што вели дека овие личности се поинтелигентни. Полесно извршуваат повеќе работи истовремено, а исто така лесно решаваат проблеми.
Иако можеби вам ве нервира кога некоја личност треба да ја чекате подолго време, сепак, таа личност има одредени предноси за себе. Ако пак вие сте личноста која постојано ја чекаат секаде, тогаш наредниот пат кога ќе задоцните некаде кажете им ги на вашите блиски здравствените предности кои ви ги носи доцнењето.
