Џенифер Лопез изгледа одлично и кога носи сино од глава до пети

Џенифер Лопез знае како да носи сино од глава до пети

Познатата латино дива која најчесто ја гледаме во тесни парчиња кои ги ставаат нејзините облини во преден план овој пат ни покажа одлична комбинација во знакот на сината боја. Имено, таа блузата на преклоп со нагласено деколте ја носеше со сатенски панталони со висок струк и широки ногавици кои во комбинација со високите потпетици од „Charlotte Olympie“ создаваат фантастичен ефект на визуелно подолги нозе.

Впечатливата комбинација 48-годишната пејачка одлучи да ја заокружи со чанта од модната куќа „Valentino“ со ремен од синџир, коса врзана во пунџа и омилените модни додатоци како што се пилотските очила за сонце и обетки во форма на големи алки на кои им е верна веќе со години.