Лековитите својства на биберот: зелениот бибер е одличен за слабеење, а црниот ќе ви помогне да престанете да пушите

ЗЕЛЕНИОТ БИБЕР Е ОДЛИЧНО СРЕДСТВО ЗА СЛАБЕЕЊЕ

Најновите истражувања покажуваат дека зелениот бибер помага во ослободувањето од вишокот килограми и постигнувањето на витка линија и тенка половина.

Желудечните сокови и ензими го забрзуваат варењето на храната, но најважно е лачењето на хидрохлорилната киселина која ги разградува мастите. Зелениот бибер содржи многу етерични масла кои ги топат длабинските маснотии и затоа многу често се користи во препаратите за отстранување на целулитот. Има силни антиоксидациски и противзапалителни својства и помага да се одржува холестеролот под контрола. Оттука, слободно вклучете го во секојдневната исхрана и уживајте во неговите благодети. Важно е да се напомене дека биберот треба рачно да се сомеле пред секоја употреба, за да не дојде до несакани ефекти. Внимавајте и каде го купувате затоа што биберот може да биде со различен квалитет и секогаш бирајте го оној со потешки, покрупни зрна кои треба да бидат во поправилен облик.

РЕЦЕПТИ СО БИБЕР

Рецепт за отежнато варење на храната

Прелијте 3 грама бибер во зрна со 1,5 dl врела вода, додадете малку нане заради подобар вкус, поклопете и оставете да отстои десетина минути. Потоа процедете и пијте два до три пати дневно.

Бел бибер за искашлување

Во една чајна лажичка природен мед од багрем додадете прстофат бел бибер и јадете 2-3 пати дневно во текот на 4-5 дена. На овој начин ќе се разгради и најгустиот секрет и ќе се олесни искашлувањето.

Масло од црн бибер против ревматски тегоби

Етеричното масло од црн бибер нанесено однадвор ги ублажува артритичните болки. Треба да го втриете на болните места два до три пати дневно.

Предупредување: Треба да внимавате да не претерате со консумацијата на белиот, црвениот, црниот и зелениот бибер. Посебно ако страдате од гастритис, чир на желудникот или хемороиди најдобро ќе биде да го избегнувате и воопшто да консумирате слабо зачинета, блага и пХ неутрална храна.

Извор: Doznajemo.com/dijetamesecevemene.com