Лекарите шокирани, поголемо бебе не виделе во живот, еве колку тежи џинчето – дали бебето те возеше дома по породување?

Во САД се роди едно од најголемите бебиња во последните неколку години, момченце со име Касијан, кое на свет дојде со тежина од 5,8 килограми, дури еден и пол пат повеќе од просечно новороденче.

Веста за неговото раѓање го обиколи светот, а снимката од родилната сала стана вирална, со повеќе од 35 милиони прегледи на Тик ток.

Мајката, Шелби Мартин, сподели видео од моментот кога го држи своето „џиновско бебе“ веднаш по породувањето, а снимката предизвика лавина коментари.

Корисниците не можеа да поверуваат во големината на новороденчето, а дури и лекарите од болницата изјавиле дека тоа е најголемото бебе родено во последните три години во нивната установа.

Дополнително симболично, Касијан се родил точно на роденденот на својата мајка, а Шелби под видеото напиша дека тоа е „најголемиот подарок што некогаш го добила“.

Веста за ова необично породување стигна и до американската телевизија WSMV, а социјалните мрежи се преполнија со духовити коментари:

„Дали тој те возеше дома по породувањето?“, „Честитки, ама… дали си добро?“, „Требало ова да се истурка до крај“ – се само дел од реакциите на шокираните следбеници на социјалните мрежи.

Многумина претпоставуваа дека породувањето било со царски рез, но мајката не откри детали. Наместо тоа, таа со насмевка изјави дека Касијан е „совршен, голем и здрав“.

За споредба, просечната тежина на новороденче изнесува од 2,5 до 4 килограми, а должината околу 50 сантиметри.

Малечкиот Касијан, пак, со своите 5,8 килограми и должина е како тримесечно бебе, и затоа стана вистинска интернет сензација и симбол на необични, но радосни чуда на животот.