Зимата не е највеселиот период, а поради недостаток на сонце, кашестиот снег и дождливо време, многу луѓе стануваат депресивни,
Ви носиме одличен избор на филмови на Нетфликс кои ќе ви разбудат убави емоции и зрак радост во студената зимска вечер.
Спасен од Руби
Спасен од Руби (Rescued by Ruby) е американски биографски семеен драмски филм од 2022 година, во режија на Кетлин Шеј.
Сценариото е засновано на вистинска приказна за првото куче од засолниште кое станало полициско куче во државата Род Ајленд.
Руби е мешанче од австралиски овчар и бордер коли, а била однесена во засолниште за животни во Род Ајленд откако покажала проблеми во однесувањето.
Филмот се фокусира на полицаецот Даниел, кој се стреми да служи во елитна единица за пребарување и спасување К-9 но никако не успева во тоа зашто нема можност да земе германски овчар. Но слушаќи дека шесот не мора да биде нужно германски овчар, туку дека мора да биде исклучително интелигентно и љубопитно, Даниел одлучува да ја земе Руби од засолништето како свој партнер.
Авантурите на Даниел и Руби во вас ќе разбудат безброј емоции. Филмот е полн со позитивни пораки за тоа да не се откажувате од луѓето (или од животните!), дека со напорна работа и со упорност може да се оствари секој сон, без разлика на се.
Стаклениот замок
Стаклениот замок (The Glass Castle) е вистинска приказна базирана на истоимениот роман на Жанет Волс. Жанет пораснала со мајка и татко кои биле номади. Иако се интелигентни и надарени, нејзините родители избрале да живеат живот кој остава длабока трага на нивните деца.
Постојаното движење, алкохолизмот, непостојаните работни места и лажните ветувања го одбележаа нејзиниот живот, а нејзината борба со сите овие пречки е инспирација што мора да ја погледнете.
Сложувалка
Сложувалка (Puzzle) е приказна за Агнес, домаќинка која живее со своето семејство во предградие на Њујорк. Нејзиниот живот се состои од одење во црква, готвење, подготовка и грижа за другите.
Како и многу мајки и сопруги кои сме ги запознале во животот, Агнес се става себеси на последно место. Но, сето тоа завршува кога ќе добие илјада парчиња сложувалка за својот роденден и ќе ја состави во рекордно време.
Наскоро во продавницата наидува на оглас во кој некој бара партнер за натпревар во решавање на сложувалки. Ова ја доведува до Роберт, а тој ја тера целосно да го промени погледот кон животот, себеси и другите.
Овој прекрасен филм ќе ви докаже дека никогаш не е доцна да се сакате себеси и да се ставите себеси на прво место.
