Лажен поп со мантија и кандило мамел луѓе за пари на гробиштата во Ѓорче Петров, верниците шокирани

Викендов на гробиштата во Ѓорче Петров и скопско Волково, лице облечено во мантија се претставувало како свештено лице и нудело да врши погребни обреди за пари.

Од Министерството за внатрешни работи потврдија дека на 1 ноември 2025 година, на гробиштата во Ѓорче Петров, полициски службеници од ОКР Ѓорче Петров го легитимирале Б.П., кој извршувал верски активности.

„Се преземаат мерки за расчистување на случајот“, соопштија од МВР.

И претходно беа забележани облечени во црни мантии и со долги бради, лажни свештеници кои тропаат на вратите на граѓаните во поголемите населби и градови во државата и им продаваат икони и разни црковни пари, а за возврат им бараат пари.