Лавовите се личности кои секогаш сакаат да бидат во центарот на вниманието. Нивен владетел е Сонцето, па така, сакаат сите нешта да се вртат околу нив.
Ако имате пријател роден во овој хороскопски знак, сигурно ја забележувате оваа нивна очигледна карактеристика. Тие зрачат со својата енергија, лидерство и волја за живот и за разлика од некои други хороскопски знаци, Лавовите се целосно свесни за тоа и на тој начин ја зголемуваат нивната самодоверба.
Дајте им внимание и вие ќе бидете омилената личност во нивното друштво. Ако не им дадете внимание, тогаш се однесуваат како мали, разгалени деца. Доколку преовлада нивната темна страна, знаат да станат тешки, напорни, арогантни, себични и не мислат на друг освен на себе.
Со Лавот се поврзува огнот како елемент, па имајте предвид дека со нив ќе ви биде прилично жешко! Оние родени под овој знак се бестрашни и силни. Овие луѓе имаат топли срца и сакаат да бидат среќни, но и да ја споделуваат среќата со другите околу себе. Со својата забавна и креативна страна, успеваат да остават впечаток каде и да стигнат!
