Овој пар е карактеристичен по тоа што го поврзува длабоко пријателство на кое ниту едниот ниту другиот не забораваат, дури и кога се во средина на најголемата кавга. Лавот е голем освојувач кој смета дека не постои личност која нема да падне на неговиот шарм, а кога ќе наиде на Вага ќе сфати дека мора да го промени својот пристап. Затоа, кон неа се однесува заштитнички и пријателски. Нему ќе му биде потребно повеќе време, но сепак ќе успее да го освои срцето на Вагата.
Бидејќи Лавот честопати смета дека повеќето работи му се дозволени, Вагата честопати ќе му застане на патот и ќе му предложи подобро да размисли. Иако Вагата е смирена, сепак, и таа ќе има свои моменти каде што не ќе може да се избори со темпераментот на Лавот.
Кога Лавот ќе почувствува дека Вагата не му е целосно посветена и дека постои можност да ја изгуби, ќе се обиде да ја придобие со скапоцени подароци или со добро смислени изненадувања.
Вагата не е имуна на луксузот кој ѝ го нуди Лавот, но тоа не ѝ е доволна причина за да ги преброди егоистичните моменти. Иако нивните животни цели не се идентични, сепак, тие се држат заедно и кога-тогаш наоѓаат заеднички јазик. Во нивниот однос постојат турбуленции, но ни едниот ни другиот не можат да замислат да бидат разделени!
