Славен пејач признава: „Купувам за сопругата, обожавам женски обувки“

Пејачот Џастин Тимберлејк открива дека многу пати ја терал својата сопруга Џесика Бил да проба некои обувки кои му се допаѓаат нему.

Тој вели дека често е главен „виновник“ за чевлите и патиките кои ги носи Џесика. „Купувам многу облека за неа. Сакам женски чевли“, истакна Тимберлејк и додава дека успева да ја натера Џесика да го менува својот стил, па во една прилика ја советувал да купи патики Ер Џордан.

Свесен е дека кога е на црвениот тепих сите гледаат во Џесика, па не сака да направи моден пропуст, при што и самиот се труди да изгледа убаво. „Се грижам јас и сопругата да се договараме во врска со комбинациите на облека. Тоа е како да се трудите да бидете компатибилни за некој танц“.