Костими за капење што оваа лето ќе бидат хит на плажите (и на Инстаграм)

Костими за капење што ќе ги носиме оваа лето

Нема ништо необично да се интересирате за костими за капење и покрај тоа што сме сред сива, тмурна зимска сезона. Тоа е потполно разбирливо, особено во овој период од годината кога е многу подобро да останете дома и да фантазирате за лудориите што ги правиме во топлите летни месеци, отколку да се шетате на загадениот воздух. Па така една од вестите што е поврзана со нашите нови летни авантури, а која случајно ни се најде во фокусот е и дека познатиот бренд „Off-White“ својата богата колекција со облека и модни додатоци ќе ја збогати и со нова линија на костими за капење. Виргил Аблох, генијалецот што стои зад овој култен бренд, и кој остава впечаток како никогаш да не одмара, на Инстарам објави фотографија од костими за капење кои верно ја следат естетиката на нивниот бренд, а кои наскоро ќе се најдат во нивната понуда.

Комбиниран со портокалов industrial ремен ваквиот look за на плажа дефинитивно ќе биде хит ова лето, а тоа е само еден мал детаљ од сето она што ни го подготвуваат креативците на Off-white.