Модните игри на најубаво облечената принцеза на светот

Таа важи за една од најубаво облечените дами на кралскиот двор

Оваа атрактивна Австралијка го плени вниманието со своите модни комбинации кои според многумина се далеку поинтересни и од оние на Кејт Мидлтон. Принцезата Мери која срцето на данскиот принц го освои во 2000 година во Сиднеј на прославата на 100 годишнината на Економското училиште во Копенхаген се појави во интересен стајлинг – долго лелеаво здолниште со интересен цветен дезен кое го носеше во комбинација со едноставна долга црна блуза и стилето високи потпетици од кадифе со потписот на генијалниот Џанвито Роси.

Истата комбинација принцезата ја носеше и пред три недели кога беше во официјална посета на Катар, но тоа очигледно воопшто не и пречеше повторно да се прошета во истите парчиња. Таа ги повтори и модните додатоци – плико чанта од кадифе во силна розова боја и со потписот на „Carlend Copenhagen“ како и обетки со скапоцени камења во облик на солзи.

Инаку, убавата Австралијка досега двапати го освои првото место како најдобро облечена дама според гласовите на британскиот магазин „Hello“, а беше номинирана и на минатогодишната престижна листа со најдобри облечени жени според магазинот Vanity Fair.

Па, дали ви се допаѓа стилот на оваа дама?

Кралицата ги воодушеви сите со овој женствен фустан >>