Новата колекција на Викторија Бекам на NYFW
Познатата дизајнерка во склоп на Модната недела во Њујорк ја претстави својата нова колекција во која во прден план беше поставена женската сила и енергија, но НЕ преку претераниот сексапил и физичкиот изглед. Таа само еден ден пред ревијата изјави дека никогаш порано не носела блејзер со здолниште, но овој пат како да реши да направи еден чекор понатаму во својот дизајн, па комбинациите на блејзер со различни парчиња се проткајуваа низ целата колекција. Моделите му ласкаат на женското тело, но не како средство за да се предизвика внимание и да се постигне целта, односно не игра на картата на сексапилот и очигледната женственост, туку на преубави дизајни и кроеви кои ќе го освојат секое женско срце. Жената на Викторија Бекам е силна деловна дама која обожава машки кроеви, но ги комбинира се неодоливи женски парчиња и модни додатоци. Тука се и проѕирните блузи и кошули, но и преубавите кроеви на панталони кои ќе го „подигнат“ вашиот деловен стил на следно ниво.
Проѕирни фустани без гаќички и градници – тренд на кој не му се гледа крајот во Холивуд >>
Наместо skinny фармерки, купете си вакви панталони >>
