Наши ѕвезди

Кој е Македонецот што направи хаос на целиот Балкан?! Милионски прегледи, растура со новата песна

Нашиот Македонец Даниел Тренчовски го освојува Балканот со новиот хит „Јачи него икад“

Advertisement

Нашиот Македонец кој со години ги живее париските соништа, повторно се враќа на регионалната музичка сцена – но овој пат, посилен – „Јачи него икад“!

Новиот сингл на Даниел Тренчовски буквално експлодираше на социјалните мрежи и за неверојатно кратко време се претвори во вирален тренд што го запали целиот Балкан.

Песната која е инспирирана од вистинска животна приказна, ја носи онаа ретка доза искреност по која публиката веднаш ќе препознае дека не е само уште една комерцијална продукција. Напротив, Даниел овојпат раскажува нешто лично, вистинито и болно, но во исто време моќно, со порака за борба, издржливост и надминување на сопствените граници.

Advertisement

Принтскрин/ Јутуб

И да, повторно докажа дека е човек-оркестар: текстот и музиката се негови, а звукот го гради од корен – без компромиси и без шаблони. Професионалниот аранжман е реализиран во студијата на Гранд продукција во Белград, што само ја потврдува продукциската сериозност и амбиентот на голема сцена.

Она што најмногу го „пали“ интернетот е и видеоспотот.

Снимен на повеќе локации во Париз, под светлата на градот кој никогаш не спие, визуелно носи истиот „high energy“ пристап каков што има и песната. Во него се појавува српско мото–друштво, кое со својата посебна енергија и хардкор моторџиски стил внесува адреналин, уличен шмек и автентичен дух.

Но најмоќните сцени се без конкуренција – токму оние под Ајфеловата кула, каде Даниел доминира како вистински интернационален артист. Кинематографијата, динамичната режија и силната атмосфера му даваат на видеото глобален изглед, како да е извлечено од светските музички канали.

Принтскрин/ Јутуб

Публиката ја прифати „Јачи него икад“ со редок ентузијазам. Реакциите се одлични, коментарите позитивни, а бројките на стриминг платформите и TikTok предизвиците секојдневно одат нагоре. Посебно импресионира тоа што песната станува хит без агресивен маркетинг – туку исклучиво преку луѓето што ја слушаат, ја споделуваат и ја пеат.

Принтскрин/ Јутуб

Со овој сингл, Даниел Тренчовски уште еднаш докажува дека е артист со јасна визија и сериозен меѓународен потенцијал.

Принтскрин/ Јутуб

Публиката го сака, медиумите го следат, а тој најавува. уште многу многу нови проекти. Со свој уникатен звук, впечатлив имиџ и се поголема фан-база, Даниел дефинитивно станува едно од најзборуваните имиња на балканската музичка сцена.

И ако судиме по овој сингл – неговиот момент само што започна.

Сите најнови вести поврзани со ѕвездите можете да ги следите на Гламур, убедливо најчитаниот портал за познатите во Македонија (види тука), како и на нашите страници на социјалните мрежи со вупно преку 1.000.000 фанови. Сите актуелни теми и случувања, најновите трачеви и најинтересните вести на едно место. Придружете се и на нашата официјална Фејсбук заедница ТУКА и бидете во тек со настаните, додека најинтересните текстови и интервјуа со познатите можете да ги следите и на Инстаграм ТУКА .
Реклама

Поврзано

Back to top button