Кога ноќта ќе се спушти време е за романтика – Еве каде да ја поканите саканата личност на невообичаен дејт

За романтика нема правила ни во време ни во години, без разлика на која возраст сте и без разлика дали иамте партнер или пак сакате некој да ви стане партнер ние сме тука да ви понудиме нешто интересно за љубовна средба.

Вообичаено вечера, кино или пикник се синоними за романтика, но ајде да бидеме малку креативни.

Нашиот предлог е вашата сакана личност да ја поканите на еден невообичаен дејт, а тоа е опера!

Во тек е 53. издание на фестивалот „Мајски оперски вечери“  во Националната опера и балет , а на програмата на 19 мај во понеделник  е изведбата на моќното ремек-дело „Набуко“ од Џузепе
Верди.

Побрзајте додека се уште има карти и изненадете го љубениот или љубената. Операта ќе се изведе под диригентската палка на гостинот од Грција, Мирон Михаилидис.

Насловната улога (Набуко) ќе ја толкува, Луис Кансино од Шпанија, во улогата на Абигаиле ќе
настапи Ханјинг Цо од Кина, Николина Јаневска ќе ја толкува улогата на Фенена, Уго Тарквини
(Италија) ќе настапи како Исмаил, а во улогата на Захарие ќе настапи Џовани Пароди (Италија),
во останатите улоги ќе настапат Диме Петров, Ана Ројдева, Дејан Стоев, хорот, оркестарот,
балетскиот ансамбл на Националната опера и балет и ученици при ДМБУЦ „Илија Николовски
– Луј“.

Што е НАБУКО?

„Набуко“е лирско-драматична опера во четири чина, едно од најпопуларните дела на Џузепе
Верди и е омилено кај публиката. Својата праизведба оваа опера ја имала во 1842 година во
Миланска Скала. Тоа е третата опера на Верди за која што се смета дека трајно ја воспоставила
неговата репутација како композитор. Темата на операта е тешката историја на еврејскиот народ,
нападнати и поразени, протерани од својата татковина, иако историските настани се користат
само како позадина на романтичниот и политички заплет. Верди во една ноќ ја напишал
надалеку познатата хорска арија која станала драматуршки и музички столб на делото „Va,
pensiero, sull’ali dorate“ („Летај на златести крилја”).