Келвин Клајн го лансираше новиот унисекс парфем „CK2“

Келвин Клајн го претстави новиот парфем инспириран од композицијата на култниот парфем  CK1 кој се појави пред 21 години и кој го сакаа и мажи и жени.

Беше тоа во 1994 година кога Calvin Klein го лансираше својот прв парфем наменет за новиот вид на купувачи – оние кои се не интересираа за прашањето на род и пол и кои ги сакаат унисекс производите. Станува збор за парфемот CK1 во кој доминираа нотите од лилјани, фрезија, рози, јасмин и љубичици и кој беше креиран од познатиот шпански „нос“ за парфеми Алберто Морилас.

Денес, по 21 година од оваа успешна приказна одговорните во Келвин Клајн одлучуваат повторно да се навратат на неа и да го креираат новиот парфем CK2. Шишенцето е со минималистички дизајн, а композицијата нешто поинтензивна од претходно.