Кејт Мидлтон и покрај буџет за шминки и козметички производи од 37 илјади долари не смее да го прави она што сите го правиме
Поради овие строги правила кои војвотката мора да ги почитува најверојатно ќе размислите два пати ако ве запроси некој принц
Веќе и врапчињата на гранките знаат дека Кејт Мидлтон изгледа беспрекорно каде и да е појави. И тоа без разлика дали носи патики од 50 долари или фустан од неколку илјади евра. Знаеме и дека постои таканаречениот „Кејт ефект“, односно многу од она што ќе го облече се распродава за рекорден рок. Така беше на пример и со високите потпетици од Прада со кои неодамна се прошета на Вимблдон и кои веднаш добија листа на чекање.
Според порталот „Yahoo“ војвотката од Кембриџ има буџет за убавина од 37. 778 долари годишно што се и повеќе од доволно да ги обезбеди најскапите третмани и производи за убавина. Нејзината коса секогаш изгледа перфектно, најверојатно ги користи најскапите шминки и креми, но она што многумина досега го немаат забележано е тоа што Кејт (35) никогаш, ама баш никогаш не ги лакира во боја нејзините нокти.
Официјалното правило за припадниците на британското кралско семејство налага да не носат лак во боја. Токму затоа Кејт, исто како и кралицата Елизабет (види тука) секогаш користи безбоен лак или „nude“ нијанси од Essie (Allure или Ballet Slippers).
Тоа правило ќе мора да го примени и Меган Маркле, девојката на Хари, која според медиумите има големи шанси да се омажи за принцот и да се пресели во кралскиот дворец. Но ова строго правило нема премногу да ја загрижува бидејќи според последните фотографии од парот, Меган и сега ги носи овие нијанси. Прашање е само дали и се познати строгите кралски правила или едноставно ја обожава оваа нијанса.
