Кардиганите се актуелни во последните неколку години во модниот свет. Плетените топли софистицирани џемпери станаа еден елегантен моден момент доколку умеете да ги искомбинирате во таков стил. И доделка за некои жени тие се само топла облека за по дома, за некои дами кардиганите станаа дотерувачка мисија.
Како се носи кардиган?
Ова модно парче е специфично за комбинирање и треба да знаете како да го напрвите тоа добро, за да изгледате како излезени од списание. Со фармерки и свилена маичка на прерамки, со тенка и тесна блузичка припиена на телото, со едноставен фустан, со мини фустанче на прерамки…
Продавниците се веќе преполни со плетени макси здолништа, капути и кабаници, а сега на ред се пријатни макси кардигани.
Макси кардиганите се MUST HAVE
Како и панталоните, кошулите и палтата, кардиганите исто така ја прифатија макси должината и преголемата форма. Носете макси кардиган како замена за капут во есенските денови или комбинирајте го со зимска гардероба во постудените денови. Се збогувавме со скратениот крој, оваа сезона избираме макси должини и опуштени кроеви.
Кардиганите во маски должина се практични, удобни и дополнително даваат топлина во студените месеци.
Покрај класичните плетени елеци, сега носиме кардигани со макси должина. За работен ден комбинирајте кардиган наслоен преку кошула и свечени панталони, додека за елегантно издание улогата на плетен фустан ќе ја преземе макси кардиган.
Долгите кардигани се одличен избор за лежерен секојдневен изглед, а со внимателен стајлинг можете да ги носите на деловен состанок или на свечена вечера. Во комбинација со металик додатоци ќе постигнете урбан и модерен изглед. Кардиганите ги има веќе низ сите попупрарни брендови.
Прошетавме за вас низ бутиците…
