Ќе се наежите, за Кочани – легендарната „Време за плачење“ на Џамбазов доби нова верзија од Тамара и Роберт Билбилов

Тамара и Роберт Билбилов, непосредно пред големиот концерт закажан за 8 мај, промовираше песна која никого нема да остави рамнодушен. Станува збор за нова верзија на хит-песната на Игор Џамбазов, „Време за плачење“.

„На само неколку денови до хуманитарниот концерт во МКЦ, заедно со мојот добар пријател и соработник Роберт Билбилов решивме да ви подариме една нова верзија од безвременската „Време за плачење“ – една од моите омилени песни од маестро Џамбазов“, сподели пејачката Тамара Тодевска, а во прилог ја објави новата верзија на легендарната песна.

Хуманитарниот концерт на Тамара ќе се одржи на 8 мај во МКЦ Скопје, со почеток во 20 часот, а сите средства од влезниците ќе бидат донирани за погодените од трагедијата во Кочани.