Ќе се наежите како Панчо во песната „Недела“ несвесно зборува за пат без враќање – од денешен агол морничаво (видео)
Во тие весели мигови никој не влегол во анализа на видеото, туку веројатно сите се воодушевувале на богатиот глас на Панчо, полн со емоции, но сега, од овој агол се ова звучи и изгледа поинаку.
На социјалните мрежи кружи видео кое остава без здив. Видеото е снимено со мобилен телефон и прикажува како, во извесно кафуле или клуб, Панчо и Андреј од ДНК, заедно со придружните вокали, ја изведуваат хит-песната од Џеј „Недела“.
Поточно, Панчо е во фокусот, тој пее, длабоко „занесен“ и внесен во текстот на песната, па во еден момент речиси „се заборава“ на делот – „а мене со вас ме нема“, за на крајот од песната несвесен што зборува, или го зборува тоа повеќе на шега, вели – „на пат без враќање, мојот Андреј се спрема“.
Advertisement
Секако, во тие весели мигови никој не влегол во анализа на видеото, туку веројатно сите се воодушевувале на богатиот глас на Панчо, полн со емоции, но сега, од овој агол, се ова звучи и изгледа поинаку.
Потсетуваме, како што пишувавме вчера на гламур.мк, во едно интервју Панчо зборуваше за тоа како настанала песната „Ако утре ме нема“, познат хит на ДНК, а зборови што денес, добија потресна симболика.
„Јас сум суеверен многу, и кога излезе песната, кога ја снимивме, испадна малце чудно. Како нешто да предвидуваш и сите тие работи. Ама, тие се некои магиски мисли и треба да ги тргнеме. Текстот ми беше во глава, јас додека зборувам се ежам, една од најемотивно среќните песни кои некогаш сме ги направиле.“- рече своевремено Панчо.
