Ќе се изненадите што значи ако детето прооди подоцна од вообичаено – научниците го имаат одговорот
Поголемиот дел од децата почнуваат самостојно да одат помеѓу 12. и 15. месец од животот, а до 18 месеци тоа го прават околу 75 проценти од нив.
Родителите внимателно ги следат сите пресвртници во развојот што треба да ги достигнат децата, а меѓу најважните е секако проодувањето.
Поголемиот дел од децата почнуваат самостојно да одат помеѓу 12. и 15. месец од животот, а до 18 месеци тоа го прават околу 75 проценти од нив. Некои бебиња почнуваат порано, некои малку подоцна, но научниците неодамна откриле дека генетиката има големо влијание врз тоа кога детето ќе прооди.
Она што исто така го откриле е дека постои врска помеѓу подоцнежното проодување и повисоки академски постигнувања.
Тоа значи дека гените кои влијаат на времето кога бебето ќе почне да оди, можат истовремено да „одлучат“ и колку ќе биде успешно во училиште, пренесува express.co.uk.
Истата студија покажала дека шансите за појава на АДХД (недостаток на внимание и хиперактивност) се помали кај оние што подоцна проодуваат.
Студијата, спроведена од универзитетите во Сари, Есекс и Лондон, открила дека генетиката објаснува приближно една четвртина од разликите кога децата ги прават своите први чекори.
Професорката по психологија и генетика на Универзитетот во Сари, Анџелика Роналд, изјавила:
„Ги проучувавме стотици илјади генетски варијации кои се вообичаени во популацијата. Забележуваме дека генетските разлики кои водат до подоцнежно проодување исто така се поврзани со повисоко ниво на образование и намалена веројатност за појава на АДХД. Ова е првата генетска студија за бебешко однесување од ваков обем и прва што го истражува времето кога децата проодуваат.“
