„Ќе ја стигне божја казна“ – мајка жестоко нападната поради името што му го дала на својот син
„Јас сум шокирана од омразата“, вели мајката.
Мајка од Девон, Англија, дојде во центарот на медиумското внимание поради името на синот.
Доживувајќи вистински напад на социјалните мрежи, 27-годишната Џози Кинг од Девон стана тема во британските медиуми откако јавно откри дека на својот новороден син му го дала името Луцифер. Иако зад себе веќе има две повозрасни деца, овој син ѝ е посебно значаен, го нарекува „бебе чудо“, родено по десет изгубени бремености и долга борба за потомство, пренесува „Сан“ (The Sun).
„Му го дадов името Луцифер, но не по ѓаволот. Го избрав поради латинското значење, носител на светлината. Го видов меѓу многу имиња што ги разгледував и веднаш ми се допадна,“ вели таа, додавајќи дека воопшто не очекувала да заврши во националните вести поради лична одлука која, како што нагласува, никого не засега.
Но веднаш по објавата, интернетот „експлодира“. Коментари како „Ти си пореметена“, „Заслужуваш сè најлошо“, па дури и „Ќе те стигне божја казна“, почнаа да се редат под објавата.
„Религијата не ми беше ни на крај памет“ – Џоси ја брани својата одлука
„Луѓето ми пишуваат сè и сешто. Некоја жена ме нарече атеист. Дури морав да проверам што значи тоа, бидејќи религијата воопшто не ми беше во глава кога го бев името,“ раскажува Џоси.
Таа открива и дека зад себе има долг и тежок пат, шест години обиди за забременување, повеќе спонтани абортуси и неодамна поставена дијагноза на хемиплегија, состојба која дополнително ја намалила веројатноста за здрава бременост.
„Самиот факт што го родив ова дете е чудо. Знаев дека ова е мојата последна шанса и затоа внимателно избрав име кое за мене има силно значење,“ вели таа.
Но и покрај тоа, критиките не престануваат.
„Може да го наречеш детето Луцифер, може и Адолф ако сакаш, но никој со здрава памет тоа нема да го стори,“ ѝ порачуваат некои корисници.
Други сметаат дека таа е „единствената мајка во историјата која би му дала такво име на дете“.
Сепак, постои и група луѓе што ја поддржува, нагласувајќи дека за оние што не се религиозни, Луцифер е само име со убаво значење, без некаква мрачна конотација.
