Каролина и Михаил повторно „заминаа преку океан“ – Си имаат пари, па си шетаат низ Јапонија како од филм!
Македонската музичка ѕвезда Каролина Гочева и нејзиниот сопруг, уметникот Михаил Корубин, продолжуваат да го живеат својот јапонски сон. По неколкудневниот престој во динамичното Токио, двојката отпатува во Кјото – град кој ги освои со тишината, традицијата и уникатниот источен шарм.
Каролина сподели дел од атмосферата со своите следбеници на Инстаграм, а една фотографија особено привлече внимание: пејачката, видно расположена, го прегрнува Михаил, а нежната насмевка што ѝ блеска на лицето открива колку ужива во ова далечно патување.
Двојката со часови шетала низ тесните улички на Кјото, каде што модерниот свет се губи меѓу старите дрвени куќи, бамбусови градини и храмови обоени во црвено. Каролина и Михаил имале можност да ја почувствуваат традиционалната јапонска култура одблизу – од минувачи облечени во кимона до мирниот ритам на градот, кој е целосна спротивност на метежот од Токио.
Михаил, пак, објави видео од нивната авантура во главниот град, снимено во модерниот музеј Lab Planets, каде што визуелните инсталации и светлосните ефекти создаваат футуристичко искуство што совршено го надополнува нивниот јапонски мозаик.
View this post on Instagram
