Карлеуша ги загуби живците – вербалната кавга со Десингерица премина во „физичка пресметка“ (видео)

Вистинска драма се одвиваше во најновата епизода на музичкото шоу „Пинкови ѕвезди“, кога меѓу членовите на жирито Драгомир Деспиќ „Десингерица“ и Јелена Карлеуша, дојде до жестока кавга која го шокираше студиото, публиката, па и останатите членови на жирито. Сѐ започна по настапот на еден натпреварувач, кога Карлеуша и Деспиќ имаа сосема различни мислења за изведбата, но тензијата брзо прерасна во лична расправија. Со покачени тонови, остри зборови и прекорувања кои не се гледаат често на телевизија, кавгата се одвиваше пред илјадници гледачи и доведе до вистинска непријатност во студиото.

„Доста е! Ова веќе ги мина сите граници на нормалната комуникација“, изјави Карлеуша со остар тон, очигледно потресена од текот на ситуацијата. Таа додаде дека нема намера да биде дел од вакви енергии и порача дека „нема заеднички јазик“ со Деспиќ, што беше поздравено со тивка реакција од публиката.

Од друга страна, Деспиќ не остана должен и возврати со свои критики, обвинувајќи ја Карлеуша дека не го почитува неговото мислење како долгогодишен музичар. Судиите во шоуто се познати по својата динамична хемија, но ваква експлозивна конфронтација досега не беше видена на сцената. Засега, продукцијата се нема официјално огласено, но останува да видиме дали оваа кавга ќе остави подолготрајни последици врз понатамошниот тек на шоуто.