Романтичните комедии ќе ви кажат дека вистинската љубов е онаа каде што постои само страст, добро расположение и еден куп бакнежи, без кавги и реални пречки со кои се среќава секој пар.
Романтичните комедии ќе ви кажат дека вистинската љубов е онаа каде што постои само страст, добро расположение и еден куп бакнежи, без кавги и реални пречки со кои се среќава секој пар. Од друга страна пак, психолозите ќе ви кажат дека љубовта е состојба која поминува и дека има свој рок на траење. Тука се и песните кои ќе се обидат да ве убедат дека вистинската љубов секогаш е тажна и трагична, но и пријателите кои ќе ви даваат надеж дека љубовта може да се развие и на некои места каде што очигледно нема шанси, затоа што им е непријатно да ви ја кажат вистината в лице. Денес сѐ повеќе бракови се распаѓаат, а најтажниот дел од приказната е тоа што до развод често доаѓа и кај паровите кои вистински и искрено се сакаат, но едноставно не можат да бидат едни со други.
Но, јас сум бескрајно благодарна што имав можност да израснам покрај еден функционален пар, кој премногу се сака и исто толку се кара. Токму тие кавги, кои кога бев мала ме нервираа, ме научиле на вистинското значење на љубовта. Затоа што сите се сакаме додека сѐ е совршено, а кога ќе се појави некој проблем, ја менуваме приказната. Се прашувате каква љубов е ако и двајцата се карате? Вистинска! И тоа е супер! Токму поради гордоста се растуриле некои од најдобрите врски, пријателства и бракови, а што добиле за возврат?
Понекогаш чувство на лична сатисфакција, затоа што таа гордост им останала недопрена, а понекогаш дури ни тоа. Во љубовта нема гордост. Никогаш не дозволувајте таква глупост да ви уништи нешто што може да биде катастрофално и да трае цел живот.
Ненормално е секогаш да биде идеално, како на филмовите, иако повеќето парови очекуваат таква „вистинска љубов“. Карањето е супер. Кога имате некој проблем, најлошо што можете да направите е да погледнете на другата страна и да се надевате дека ќе исчезне. Многу парови пропаѓаат затоа што не зборуваат за своите проблеми, а никогаш не собираат храброст да дискутираат, затоа што не сакаат да предизвикуваат кавга. Тие парови навидум се одлични, но не остануваат долго време среќни
